Hierdie foto's van die skade na gisteraand se ontploffing by ArcelorMittal Vanderbijlpark, is vanoggend op WhatsApp groepe gedeel.
Vanderbijlpark – ArcelorMittal Suid-Afrika het in ‘n verklaring vanoggend (Donderdag 9 April) bevestig dat ‘n ongebruikte gaslyn omstreek 20:00 gisteraand, Woensdag 8 April, ontplof het by die Vanderbijlpark Werke, wat skade aangerig het aan omtrent 15m se pyplyn asook skade aan aangrensende geboue en pypstrukture aangerig het.
Die ontploffing is sover as in Meyerton en Sasolburg gehoor, het mense gisteraand op Facebook geskryf.
Die foto’s van die skade wat met die ontploffing aangerig is, is vanoggend op WhatsApp groepe gedeel.
ArcelorMittal sê in sy verklaring dat niemand in die voorval beseer is nie.
Die gedeelte waar die ontploffing was, is beveilig en sal onmiddellik begin word met herstel van die geaffekteerde gedeelte van die pyplyn.
Liezl Scheepers is editor of the Parys Gazette, a local community newspaper distributed in the towns of Parys, Vredefort and Viljoenskroon. As an experienced community journalist in all fields for the past 30 years, she has a passion for her community, and has been actively involved in several community outreach projects as part of Parys Gazette's team.