Die gemeenskap van Vredefort gaan die glimlaggende gesiggie van Juané Greeff ongelooflik baie mis. ‘n Gemeenskap waarin hierdie dogtertjie klein soos wat sy was, duidelike spoortjies gelaat het.
Klein Juané is Donderdagmiddag 9 Januarie net na 17:00 oorlede na ‘n frats motorongeluk op die gesin se plaas, Mooihoek, in die Vredefort-distrik.
Sy sou op 12 Februarie 2 jaar oud gewees het.
Juané was ‘n besondere klein dogtertjie wat so klein soos wat sy was, ‘n natuurkind was. Sy was deel van alles wat op die plaas gedoen is en het ‘n besondere liefde vir diere gehad het.
Sy het mense om haar laat lag en diep in baie harte gekruip met die kinderlike vreugde waarmee sy kon huppel in die grootheid van Sy skepping.
Ons opregte en innige medelye met haar ouers, past. Juan en Jani Greeff van die AGS gemeente in Vredefort, en haar familie wat die herinneringe aan haar koester.