‘n Groot storm wat op die stad neergesak het, het probleme met die elektrisiteitstoevoer veroorsaak. LimaTac het op hulle Facebook blad ‘n video gedeel van ‘n kragboks wat glo deur weerlig getref is en aan die brand geslaan het.

Die kantoor van die burgemeester het ‘n verklaring uitgereik wat verduidelik dat die sterk winde ook ‘n groot rol gespeel het omdat dit een van die toevoerlyne los gewaai het.

Die krag na Mohadin, Promosa, die Bult, Sentraal, Miedderpark en Suiddorp het teen ongeveer 20:30 weer aangekom. 

Verskeie inwoners het die munisipale beamptes van die elektrisiteitsafdeling bedank vir die werk wat hulle in moeilike omstandighede gedoen het.