Die  gat by die kruising van Wesstraat en Derdelaan is reggemaak en die teervlak  geseël.

Dit nadat die ou rioolpyp hier beskadig is tydens konstruksie vir die verlenging van die  riooluitvallyn vanaf Tumahole na die rioolwerke.

Die gat is die eerste keer op 6 November gerapporteer. Gazette het vroeër ook oor die gat berig toe rioolwater daaruit in die leivoor afgeloop het.

Foto’s met erkenning aan mnr. Steve Naale, munisipale woordvoerder vir die Ngwathe munisipaliteit.