Spesiale Bloedskenkkliniek voor Kersfees

‘n Spesiale Kersfees bloedskenkkliniek word op Maandag 23 Desember tussen 10:00 en 17:00 in die Hervormde kerksaal h/v Loop- en Paulsenstraat, Parys, gehou.

Jy kan hierdie Feesseisoen die geskenk van lewe vir iemand gee.

Juis daarom doen die bloeddiens ‘n beroep op skenkers wat nie in die afgelope paar maande bloed geskenk het nie, om asseblief die kliniek te kom ondersteun.

Dankie ook aan elke Parysenaar wat met die bloeddiens se vorige besoek aan Parys geskenk het en so gehelp het om 97 eenhede bloed te kon insamel