Boere moet ekstra versigtig wees oor Kersseisoen
Boere moet ekstra versigtig wees oor Kersseisoen
Die onlangse plaasaanvalle in die Vrystaat beklemtoon die noodsaak vir meer effektiewe landelike beveiliging.
Die landelike beveiligingsplan wat deur die regering bekendgestel is, moet daadwerklik geïmplementeer word en nie net valse hoop skep nie.
Die VF Plus het beklemtoon dat hy alle moord en geweld in Suid-Afrika veroordeel, maar veral geweld op die landbougemeenskap vanweë die weerloosheid van landelike gemeenskappe.
“Dit is betreurenswaardig dat landbouers hul moet bekommer oor hul veiligheid te midde van een van die ergste droogtes wat Suid-Afrika in jare beleef,”lui die verklaring.
Die VF Plus doen ‘n beroep op boere om hulself, hul gesinne en plaaswerkers veral in die komende Kerstyd te beveilig omdat dié soort misdaad in dié tydperk toeneem. “Boere moet paraat wees en hulself weerbaar maak”.
- Dit geld ook vir alle huishoudings, selfs in stede.