Daar is baie dinge geleer en nuwe dinge probeer die afgelope naweek tydens die Western Weekend by Edenvale Equestrian Yard. Die tema – ‘n Cowboy Christmas in Africa. Verskeie hindernisse op die baan het die toetse ‘n ietwat ongewone uitdaging vir meeste ruiters gemaak, terwyl Henry Becker die ruiters touwys gemaak het in die fynere kunsies van “Western Games”. Vir nog meer pret is perd en ruiter “gedress” vir foto’s om te pas by die “Cowboy Kersfees in Afrika”-tema, en het selfs een van Kersvader se Bokke sy staan in die arena gekry. Op die foto is van die plaaslike ruiters wat aan die dag deelgeneem het.