Liewe Persoon,
Eerste vraag: waar bêre mansmense hulle necessities? Jy weet:
sakdoek, notaboek / dagboek, noodpilletjies (alles van anti-naarheid, anti-allergie en
antidepressante), huissleutels, kougom, sonbril, lip ice (of gloss as hy n modieuse-millennium-man
is), beursie en selfoon en/of tablet? En dan praat ek nie eens van die oukies met die body spritz, man
bun of die sigaar connoisseur nie!
Ek is doodernstig. Jy kan net soveel in n broeksak of man bag dra.
Tweede vraag: is dit net ek, of het Mary Poppins handsakke vir almal van ons opgefoeter? Ek sê jou –
maak nie saak of jy n uitspattige Nine West of n nederige vlooimark-special aan jou skouer dra nie,
sodra jy iets daar insit verdwyn dit in n donker abyss…Dink nou mooi, dis nes ek hier sê: probeer jy
nou n luiende selfoon sommer-so uit n handsak raakvat? Dit is n haas onbesonne – en uiters
onverskillige daad…. maar tog hou ons aan om goeters saam te dra. Lipstick met sonblok en gloss –
in 3 skakeurings, 2 pakkies tissues, klein pakkie koekies én Super C’s (vir jou suiker), n Marilyn
Monroe-spieëltjie (want dit is so mooi), n power bank, die notaboek wat jy vir Kersfees gekry het, n
pakkie wet wipes, ekstra batterye vir die kamera, ontelbaar baie penne en per geleentheid selfs n
poedinglepel (mens weet nooit wanneer iemand jou n bakkie roomys wil gee nie).
Dié vrae spook by my, want my karsleutels het vandag tussen neus en ore verdwyn nadat ek dit in
my handsak gegooi het….