“Sy is onder die beste moontlike mediese sorg”
Gerda Meyer wat vir jare as maatskaplike werker by Vrystaat Versorging in Aksie (VVA) in Parys gewerk het, se toestand was teen Maandag stabiel nadat sy Sondagoggend met haar fiets op die h/v Schilbach- en Conroystrate geval het. Gerda is van die ongelukstoneel per ambulans na Vaalpark Netcare geneem en daarna per lug oorgeplaas na …
Gerda Meyer wat vir jare as maatskaplike werker by Vrystaat Versorging in Aksie (VVA) in Parys gewerk het, se toestand was teen Maandag stabiel nadat sy Sondagoggend met haar fiets op die h/v Schilbach- en Conroystrate geval het.
Gerda is van die ongelukstoneel per ambulans na Vaalpark Netcare geneem en daarna per lug oorgeplaas na die Intensiewe sorgeenheid van die Milpark Netcare-hospitaal se Trauma-eenheid waar sy gestabiliseer en in ‘n medies geinduseerde koma geplaas is.
Sy het onder meer ‘n skedelbasis fraktuur en skouerfraktuur in die ongeluk opgedoen.
Dankie aan elkeen wat op die toneel hulp verleen het en vir almal se ondersteuning en gebede. “Sy is onder die beste moontlike mediese sorg, het haar man, Christo, gesê.
Gerda was vir 18 jaar maatskaplike werker in Parys waar sy die pad saam geloop het met van bejaardes tot kinders – iemand vir wie haar werk ‘n roeping was. Sy het einde Julie vanjaar met pensioen afgetree.