![](https://images.caxton.co.za/wp-content/uploads/sites/116/2019/10/images.jpg)
Slegte nuus vir verbruikers is dat Eskom pas aangekondig het dat die vooruitskatting is dat fase 2 beurtkrag môre, Donderdag 17 Oktober landwyd weer ingestel word vanaf 09:00 môre-oggend tot 23:00. Dit beteken dat Parysenaars voorlopig bes moontlik môre oggend tussen 09:00 en 10:00 geraak kan word, en dalk weer die middag 16:00 tot 18:00.
Let daarop dat die fases egter aangepas kan word deur die dag en hierdie slegs die voorlopige vooruitskatting vir môre is.
Eskom sê die toepassing van beurtkrag is juis as voorkomingsmaatreël ingestel, na ‘n reeks probleme wat reuse uitdagings gebied het vir Eskom se noodstelsels.
‘n Steenkool-vervoerband het onder meer Saterdagoggend gebreek en Medupi-kragstasie se opwekkingskapasiteit so gehalveer.