![](https://images.caxton.co.za/wp-content/uploads/sites/116/2019/10/Fochville-N12-2019-10-11-at-22.42.21.jpeg)
Drie mense, insluitend ‘n kind tussen die ouderdom van 8 en 9 jaar, is Saterdagaand (12 Oktober) op die N12 naby Fochville dood.
Volgens Ross Campbell, ‘n ER24 woordvoerder, het die ongeluk omstreeks 20:35 gebeur, toe ‘n ligte motor glo agterin ‘n vragmotor by ‘n vulstasie vasgery het.
Campbell sê die twee mans wat voor in die motor gesit het, het beide ernstige beserings opgedoen en is op die toneel dood verklaar.
‘n Seuntjie en ‘n man in sy 20’s het agter in die motor gesit. Die seun het ook aan sy beserings beswyk.
Die oorlewende man is per helikopter na ‘n privaathospitaal geneem.
Plaaslike owerhede was op die toneel vir verdere ondersoek.