![](https://images.caxton.co.za/wp-content/uploads/sites/116/2019/09/634A2006-1-Small.jpg)
VANDERBIJLPARK. – Die man wat Amy’Leigh de Jager die oggend van 2 September voor haar skool gegryp het en in die Toyota Fortuner gelaai en saam met mede beskuldigdes ontvoer het, het vanoggend 25 September vlugtig in die hof verskyn nadat hy Maandag 23 September by Muvango, ‘n nedersetting naby Vanderbijlpark, in hegtenis geneem is.
Bennet Bofokeng Molemohi (24), wat ook vir ontvoering en afpersing tereg staan, het neergekyk terwyl hy in die beskuldigde bank gestaan en by navraag gesê hy het nie geld vir ‘n prokureur nie. Landdros Milla Kgobane het staatshulp aangebied en ‘n staatsprokureur het hom die nodige dokumentasie laat teken.
Molemohi se saak is uitgestel na Woensdag 2 Oktober. Sy drie ander mede beskuldigdes Tharina Human (27), Leatitia Nel (40) en Pieter van Zyl (50) verskyn Dinsdag 1 Oktober in die hof om hulle borg verhoor te finaliseer.
Amy’Leigh se ouers, Wynand en Angeline de Jager was ook in die hof.
Na Molemohi gehoor het volgende Woensdag of hy gaan borg kry of nie, sal hy saam met sy ander beskuldigdes verskyn in voortsetting van die saak.