Parys Ringtennisklub het Saterdag 31 Augustus aan die SA Klubkampioenskappe in Alberton deelgeneem.
Parys het teen drie klubs gespeel, waar hulle teen twee verloor en een gewen het. Gevolglik eindig Parys vierde uit die ses klubs in die B-afdeling.
Dit is ‘n besondere prestasie as in ag geneem word dat hierdie kinders vanjaar eers begin ringtennis speel het.

Die Parys-spelers het ook baie komplimente gekry as die vriendelikste klub met die beste spangees.