Vlaag van inbrake, en toe ’n brand

Dié gebou in Breëstraat wat vroeër jare aan Parysenaars bekend was as Wagon Wheels, is verlede Dinsdag in ‘n brand verwoes.

Volgens die gebou eienaar, Edwin Wiggins, het die brand as ‘n veldbrand agter die gebou begin en toe oorbeweeg na die gebou self waar ‘n grasdak vlamgevat het. Die brand het vinnig deur die hele gebou versprei. Edwin het die gebou in Januarie 2018 gekoop en het gereedskap hier gestoor. Gelukkig het hy net die vorige week na ‘n vlaag inbrake van die gereedskap weggery. Edwin beoog om die gebou nou maar te sloop.