Dié graad 7 Voortrekkers van Parys Voortrekkerkommando was dou voor dag vanoggend (Saterdag 13 Julie) al in Frankfort waar daar hard gewerk en voorberei word vir hul Voorslag-evaluering wat eersdaags op Doornkloof gehou word.

Die Voorslag-toekenning is die hoogste toekenning wat ‘n Penkop of Drawwertjie in sy/haar laerskoolloopbaan kan ontvang as deel van die Voortrekkerbeweging. ‘n Toekenning waarvoor daar vir sewe jaar lank hard gewerk word.

Sterkte aan dié Voortrekkers vir die laaste voorbereiding wat nog gedoen moet word.