Johan Lötter van Vredefort besoek Feathers-voëlklub tydens hul volgende byeenkoms vanaand, Donderdag, 23 Mei om 18:30 by die Sally Martin Park saal. By die geleentheid sal hy gesels oor die Koepel se 300 voëlspesies, en sal hy ook sy foto’s kom wys.
Stel jy belang in die voëls van die Koepel? Kom kuier dan saam.
Op Saterdag 25 Mei gaan die klub Kopjeskraal Country Lodge, so 10 kilometer buite Parys, besoek. Almal is welkom om saam te gaan. Die groep ontmoet in PnP se parkeerterrein vanwaar hulle om 07:00 sal vertrek.
Bring jou piekniekmandjie, verkyker en voëlboek. Nadat daar voëls gekyk is word daar eers by die Boslapa piekniek gehou.
Lidmaatskap van die klub gee lede die geleentheid om gereeld op uitstappies te gaan en om plekke in die omgewing te sien wat hul andersins nooit by sal kom nie.
Stel jy belang? Sluit Donderdagaand by die groep aan, of skakel Hansie Bekker by 056 811 4754/ 082 820 4306, of Peter Killian by 083 625 8100 vir meer inligting oor die klub en sy aktiwiteite.
