Spesiale stemme is vandag landwyd uitgebring vir die 2019 Provinsiale en Nasionale Verkiesing. En Woensdag 8 Mei sal alle ander kiesers ook hul kruisies by die stembus maak.
Vi Malan (95) was een van die inwoners van Sally Martin Park wat vandag haar kruisie getrek het, en ook hulp verleen het aan ander inwoners wat vir spesiale stemme geregistreer was om betyds by die verkiesingsbeamptes te kon kom. Sy was vol lof vir die verkiesingsbeamptes, Mavis en John, en hul helpers wat “ons oumense so mooi hanteer het.”
Maak seker dat jy Woensdag 8 Mei by die stemlokaal is waar jy geregistreer is om ook jou kruisie te trek.