Vrystaat Versorging in Aksie (VVA) se bekende Sakpas-klerewinkel skuif na Middelstraat, oorkant Telefoonden.
Danksy die eienaar van die gebou wat VVA tegemoet kom, is dit uiteindelik moontlik om dié winkel wat in ‘n groot behoefte vir baie voorsien, te kan uitbrei.
Waar daar ernstige nood is, word behoeftiges tans hier by die Sakpaswinkel gehelp met ‘n stel klere per maand.
Vanaf Maandag, 11 Maart sal daar ook nie net tweedehandse klere beskikbaar wees nie, maar ook tweedehandse ornamente, kombuisware, speelgoed en vele meer.
Splinternuwe handgemaakte produkte sal ook teen baie lae pryse hier te koop wees.
Nog ‘n nuwe projek wat VVA gaan aanpak is die verhuring van mediese hulpmiddels aan die publiek soos looprame, rolstoele ensovoorts.
Mense wat van die diens wil gebruik maak moet net ‘n afskrif van hul ID-dokument saambring.
Alle fondse wat met die diens gegenereer word, sal weer in die gemeenskap teruggeploeg word om vir hulle wat minder het, te kan voorsien met ‘n bord kos per dag, of selfs ‘n stel klere.
Alle klere en skenkings van die gemeenskap gaan na die Sakpaswinkel, tensy dit in VVA se Veiligheidshuis gebruik kan word.
Alle skenkings kan nog steeds by die VVA kantoor in Buitenstraat afgegee word of skakel 079 324 0603 om te reël dat dit opgelaai word.
Sodoende kan daar steeds kontrole gehou word oor skenkings.
VVA se personeel en vrywilligers sê dankie aan die gemeenskap vir onbaatsugtige bydraes, skenkings en donasies wat gereeld ontvang word. Sonder hierdie hulp kan daa
