VANDERBIJLPARK. – Mnr. Jaco van den Berg het gister, 28 Februarie met sy bakkie in ‘n sinkgat in Westinghouse Boulevard in Vanderbijlpark beland.

Hy het sy rug beseer en is op die toneel deur mediese personeel gestabiliseer voordat hy hospitaal toe geneem is. Hy was besig om VF+ se stemplakkate teen die lamppale op te sit. Die gat was versteek tussen die lang gras. Nog drie soortgelyke sinkgate is binne ‘n afstand van 100m voor hierdie sinkgat gevind. Inwoners en motoriste word gewaarsku om baie versigtig daar te loop en ry.