Gemerkte eiendom kan jou help om jou eiendom uit te ken en te identifiseer sou dit gesteel word.
Gesteelde eiendom word meestal verkoop en maak gemerkte eiendom dit dus moeiliker vir huisbrekers om te gaan verkwansel, en verlaag boonop die waarde.
Sou die gesteelde eiendom teruggevind word, is dit makliker om die eienaar op te spoor as dit wel duidelik gemerk was.
Hoe moet jy jou eiendom merk?
* grafeermasjiene werk goed
* letters en nommers wat ingekap (punch) word
* nie-sigbare ink
* of selfs ‘n doodgewone permanente merkpen
Alternatiewelik kan jy foto’s van jou waardevolle eiendom neem en die reeksnommers neerskryf.
Waardevolle items sluit in televisies, rekenaars, tablette, klanktoerusting en ander elektroniese toerusting, gereedskap soos boormasjiene, grassnyers en fietse om maar enkele te noem. Neem ook foto’s van jou kosbare juwele of juwele waaraan jy baie sentiment het en bêre dit.
Moet jou ook nie daaraan skuldig maak om gesteelde goedere te koop nie.
Onthou dat om by jou plaaslike buurtwag aan te sluit hou groot voordeel in. Sodoende kan ‘n hele buurt waaksaam wees en uitkyk vir verdagtes bewegings in of naby jou en jou bure se erwe.
Jy kan jou plaaslike polisiestasie in Parys skakel by (056) 816 2518/9.
