’n Man het Vrydagmiddag 15 Februarie  in die Vaalrivier op private grond langs die Kopjeskraal-pad verdrink.
Die man was besig om saam met ander te hengel toe hy vermoedelik gegly en in die rivier geval het.
Volgens ’n ooggetuie het dit gelyk asof die man se hoek vashaak. Die volgende oomblik is ’n harde plasgeluid gehoor. Die man het volgens die ooggetuie nog met die ander hengelaars gepraat, maar kort daarna onder die water verdwyn. Hulle het vergeefs na hom in die water gesoek.
Polisieduikers van Potchefstroom het dieselfde dag teen amper skemer sy liggaam uit die rivier gehaal, naby aan waar hy ingeval het.