‘n Man is inhegtenis geneem in verband met die moord op die 68-jarige Eric Lyell wie se liggaam die naweek in die Vaalrivier gekry is.
Mnr. Lyell was ‘n jarelange prokureur van Vereeniging.
Verbygangers het Saterdagmiddag die liggaam in die rivier langs die R59 sien dryf. Die polisie is daarna ontbied.
Wyle mnr. Lyell se selfoon is in Sharpeville gekry en sy Volkswagen Jetta by Builders in Vereeniging op pad Vanderbijlpark toe, berig Maroela Media. .
Polisiewoordvoerder a.o. Simon Mofokotsane, het die verdagte se inhegtenisname vir ondervraging bvestig.
Wyle mnr. Lyell se begrafnisdiens is Donderdag om 11:00 uit die NG Drie Riviere-Oos gemeente.
