’n Potchefstroomse vrou het verlede Donderdag ’n baba Labradoodle (’n honderas wat geteel is deur labrador honde en poedels met mekaar te kruis) op ’n bekende aanlyn-inkopiewebtuiste bestel.

Die vrou het glo eers nadat sy die R3 900 deposito sowel as R1 500 afleweringskostes betaal het, besef dat sy nooit die hondjie gaan ontvang nie. Polisiewoordvoerder ao. Mpho Manyoba sê dat mense gereeld op so ‘n manier deur misdadigers uitgevang word.

“Moet nooit vir iets wat jy aanlyn gesien het, betaal voordat jy nie seker is dat die advertensie eg is nie,” sê sy.