Inwoners wat vandag, Dinsdag 11 September,  van die dienste van die Ngwathe munisipaliteit se betaalsaal gebruik wou maak, moes onverrigter sake omdraai nadat die munisipale kantore rondom 10:00 gesluit is, glo vir ’n  onbeskermde protesoptrede wat na verneem is spruit uit ’n  dispuut met die munisipale bestuur oor aanstellings van elektrisiëns buite die provinsie.
Terselfdertyd was daar ook ’n  kragonderbreking wat veroorsaak het dat ’n  verkiesings skakelkomitee in die donker in die Forum-gebou moes vergader.
Dit was teen druktyd nie seker of die protesoptrede en die kragonderbreking verband hou nie.
Teen Dinsdagmiddag was die munisipale kantore steeds verlate en geen telefoonoproepe is beantwoord nie. Geen kommentaar kon gekry word van die munisipale woordvoerder, mnr. Steve Naale, nie.