VANDERBIJLPARK. – ‘n Babaseuntjie van skaars ‘n maand en sestien dae oud is met ‘n lek-hart wag tans in die intensiewe sorgeenheid van die Chris Hani Baragwanath-hospitaal op ‘n operasie.
Baba Ethon Smith is op 13 Julie in die Sebokeng- hospitaal gebore. Hy is kort daarna na die Chris Hani Baragwanath-hospitaal oorgeplaas. Na verskeie toetse is gevind dat Ethan twee gaatjies in sy hart het. Hy ontvang tans suurstof en dokters wil eers hê dat hy bietjie ouer moet word voordat hulle kan opereer. Hulle verwag om die operasie voor sy eerste verjaardag uit te voer.
Volgens ma Martie (38) en pa Duane (38), wat in Walkerville woon, sal Ethon huis toe kan gaan, maar hy sal permanent op suurstof moet wees. Vorige pogings om hom van die suurstof af te haal, was nie suksesvol nie. Ethon se ouers vra asseblief of daar lesers is wat hulle kan bystaan met donasies om daagliks brandstof te kan hê om hul seuntjie in die hospitaal te besoek. Martie kan by 071 386 3462 gekontak word.
Baba Ethon Smith wat ‘n operasie moet ondergaan.
