Besoekers en toeriste van oraloor is die afgelope naweek in Parys voorgekeer waar bemarkingsmateriaal uitgedeel is om mense aan te moedig om te stem vir Parys.
Parys is die Vrystaatse finalis vir vanjaar se Kwêla dorp van die jaar kompetisie. As jy nog nie jou stem vir Parys gegee het nie, het jy nog kans tot 1 Junie om 12:00. Maak seker jy stem betyds deur die woord Parys te sms na 33157. Elke sms kos R1,50 en slegs 30 sms-boodskappe per nommer word toegelaat.
Die wendorp word op 17 Junie op Kwêla aangekondig.
Onthou – dit gaan nie oor watter dorp die skoonste is of die beste munisipaliteit het nie, maar waar die mooiste, lekkerste en hartlikste kuierdorp in die land is. Waar dan beter as net hier in Parys!
Onthou sms nou na 33157.
Pamflette wat die naweek in Parys versprei is om mense aan te moedig om vir Parys te stem.
