Gemengde sukses tot dusver vir Parys op die rugbyveld
Hoërskool Parys het tot dusver redelik gemengde uitslae behaal in die Valke Medium skole ligawedstryde wat reeds dié seisoen gespeel is.
![](https://images.caxton.co.za/wp-content/uploads/sites/116/2018/05/IMG-20180514-WA0004.jpg)
Die eerste span wen sy wedstryd teen Sasolburg Hoër 40-12, verloor daarna teen Die Ankerskool met 25-27, maar wen teen Afrikaans Hoër Sasolburg met ’n telling van 46-5.
Die tweede span wen hul wedstryd teen Sasolburg Hoër met 26-10, speel gelykop teen Die Ankerskool, en wen daarna Afrikaans Hoër Sasolburg met 52-5.
Die o.16-span het verloor met 26-45 teen Sasolburg Hoër, maar wen teen Die Ankerkskool 12-0.
Parys se o.15-span verloor op hul beurt 22-34 teen die span van Sasolburg Hoër, en moes daarna ook die knie buig voor Die Ankerskool met 7-38. Hulle verloor ook teen Afrikaans Hoër Sasolburg met 0-44.
Vir die o.14-span het die seisoen begin met ’n verloor teen Sasolburg Höer (22-34), gevolg deur ’n oorwinning oor Die Ankerskool met 58-7. Hule wen ook die wedstryd teen Afrikaans Hoër Sasolburg met 20-12.
Die volgende ligawedstryde vir Parys is hierdie Vrydag (18 Mei) teen Hoërskool Overvaal, op 25 Mei teen Hoërskool Suiderlig, en op 2 Junie teen Hoërskool Carel de Wet.