![](https://images.caxton.co.za/wp-content/uploads/sites/116/2018/05/IMG-20180502-WA0017.jpg)
Die publiek kan vanaf 27 Mei om 18:00 tot 1 Junie 2018 om 12:00 vir vanjaar se wendorp stem.
Die wendorp word op 17 Junie op Kwêla aangekondig. Die dorp wen ’n ongelooflike R1-miljoen se bemarkingswaarde van kykNET. Homebrew Films, die vervaardigers van Kwêla, sal ’n 45-sekonde advertensie oor die dorp vervaardig wat gedurende kykNET se advertensietyd uitgesaai sal word. Daar sal ook ’n groot KIA-dorp-van-die-jaar-makietie in die wendorp gehou word.
Wees trots Parys en stem vir JOU dorp deur die woord Parys te sms na 33157 tussen 27 Mei en 1 Junie om 12:00. Sms’e kos R1,50 en slegs 30 sms’e per nommer word toegelaat. Die Kwêla-span was reeds verlede week hier om met Parysenaars te gesels en beeldmateriaal van die dorp te verfilm.