En soos wat die water opraak, raak die geduld van inwoners ook op met die dorp se knaende waterprobleme.

Die munisipaliteit het gistermiddag kennis gegee dat watervoorsiening vir inwoners van Parys en Schonkenville vandag (Dinsdag 10 April) onderbreek sal word vir die vervanging van ‘n waterpyp by die waterwerke.

En terwyl daar aan die pyplekke gewerk word, is dit hoe die dorp se strate lyk waar gewerk is aan waterpype. Gate wat eenvoudig oop gelaat of slordig toegemaak word.