Die DA het besluit om in te spring en die bejaardes van Mimi Fouriehof in Vereeniging, wat reeds 11 dae, sonder water sit, te help. Hulle het egter die gemeenskap se hulp nodig. Inwoners asook mense van ander dorpe wat kan help, word gevra om water te skenk wat tussen die inwoners by Mimi Fouriehof in Marketlaan, Vereeniging, gedeel sal word. Die meerderheid van die inwoners is bejaardes en sommige selfs bedlêend. Dit is vir hulle ‘n groot kopseer dat hulle nie water het nie. Lede van die DA sal vandag vanaf 17:00 by Mimi Fouriehof wees.