Die Tuinbou vereniging organiseer ‘n uitstappie na die Walter Sisulu Botaniese Tuin in Roodepoort op Saterdag 29 Julie 2017 na die Orchid Lovers’ Fair waar ‘n orgidieë uitstalling met inligtingsessies en demonstrasies plaasvind. Baie orgidieë sal ook te koop wees.

Daar sal geleentheid wees om Random Harvest inheemse kwekery te besoek vir diegene wat belangstel – byna net om die hoek van die botaniese tuin. Koste beloop R150 per persoon wat toegangsgelde insluit. Kaartjies kan gekoop word by Blomwinkeltjie (Wolmarans Str) en Garden Pavilion (by Môredou) Die bus vertrek om 07:30 vanaf Paryslaan 35 (die vorige perseel van Garden Pavilion). Ons verwag om voor 17:00 terug te wees in Potch. Navrae: Theunis de Jong 082 575 3006.