Groot skade ná Stokkiesdraai-brand

‘n Veldbrand langs die Stokkiesdraaipad in Vanderbijlpark het Vrydagmiddag 14 Julie groot skade aangerig en was die pad vir ‘n geruime tyd onbegaanbaar vir motoriste. Donker rookwolke het oor ‘n groot deel van die paaie in die hoewe-gebied buite die dorp gehang, en sig was by tye swak.

Die  veldbrand het klaablyklik omstreeks 12:00 op een van die plase begin  en toe weens ‘n sterk wind na omliggende gebiede versprei. Dit het onder meer na Paintball Bunnies versprei, waar duisende rand se skade aangerig is. Die brandweer was heeltyd op die toneel tot laat vanmiddag.

Foto’s: Chris Smuts