Die departement sê die nasionale damvlakke toon ‘n 0.4% daling en staan tans op ‘n gemiddeld van 71.6% teenoor verlede week se 71.9%.

Teen dieselfde tyd verlede jaar was die land se damvlakke op ongeveer 53%, gevolg deur ‘n groot droogte en stewige afnames einde verlede jaar.

Volgens Rand Water se jongste inligting was die Vaaldam se vlak op 23 Junie op 98.6%. Grootdraai staan op 89.3%, Sterkfontein op 90.4% en Bloemhofdam staan op 100%

Die departement se woordvoerder, Sputnik Ratau, sê daar is geen rede om paniekerig te raak nie, maar hy voeg by dat dit belangrik is om water te spaar in aanloop tot die lang, droë seisoen in meeste dele van die land.