Die geliefde en begaafde aanbieder van Pretoria FM se gewilde Sondagaandprogram Nagmusiek, Johann Botha, is Woensdagaand 7 Junie  tydens ‘n rooftog in Johannesburg doodgeskiet.

Johann was ‘n bekende in natuurbewaringkringe en sal lesers hom onthou as voormalige aanbieder en uitvoerende regisseur van die baie gewilde TV natuurprogram 50/50. Hy  het steeds gereeld bydraes geskep vir M-Net se aktualiteitsprogram Carte Blanche.Hierbenewens was hy ook betrokke by kykNet se Projek Aardwolf en voorheen programaanbieder op RSG.

Johann se dood is ‘n reuse verlies vir die land, media en die mense van Suid-Afrika. Sy dood  onderstreep weer eens die vlaag van geweldadige misdaad en rampokkery wat Suid-Afrika tans gevange hou het Willie Spies, besturende direkteur van Pretoria FM gese.