32 in hegtenis na Lichtenburg gyselaardrama
Die burgemeester van Ditsobotla Munisipaliteit, Mnr. Daniel Buthelezi, is vandag (25 Mei) gedurende die vroegoggendure vrygelaat, nadat hy en ander raadslede deur inwoners van laat gistermiddag (24 Mei) af gyselaar gehou is. Illustration photo Die burgemeester is vrygelaat ná suksesvolle onderhandelings wat uitgeloop het op die inhegtenisneming van 32 verdagtes. As deel van die …
Die burgemeester is vrygelaat ná suksesvolle onderhandelings wat uitgeloop het op die inhegtenisneming van 32 verdagtes. As deel van die onderhandelinge is die groep toe gelaat om in twee minibusse te klim maar kort daarna deur die polisie in hegtenis geneem.
ʼn Munisipale gebou is aan die brand gesteek maar is egter kort daarna geblus.
Die verdagtes, wat tussen 24 en 52 jaar oud is, sal na verwagting binnekort in die landdroshof van Lichtenburg verskyn. Hulle word aangekla van ontvoering, brandstigting en poging tot moord.
Lt. Gen. Baile Motswenyane, provinsiale kommissaris, het lede van die gemeenskap aangemoedig om kalm te bly, die oppergesag van die reg te respekteer en te weerhou van beskadiging van eiendom. Sy het verder gesê dat die polisie nie sal huiwer om hul konstitusionele mandaat uit te voer om misdaad te voorkom en te bekamp nie, sowel as om openbare orde te handhaaf.
