Op 90 en 87 nog kranige jukskeispelers
Mimosa-jukskeiklub het verlede week die Daan Rauntenbach jukskeitoernooi op die NG gemeente Parys-Wes se terrein aangebied. Spelers van sover as Reitz, Frankfort, Vanderbijlpark en Vereeniging het aan die toernooi deelgeneem. Mimosa-jukskeiklub het weer bewys dat dié spel vir oud en jonk is. Die klub se oudste speler, Kobus van der Merwe, wat onlangs sy 90ste …
Mimosa-jukskeiklub het verlede week die Daan Rauntenbach jukskeitoernooi op die NG gemeente Parys-Wes se terrein aangebied.
Spelers van sover as Reitz, Frankfort, Vanderbijlpark en Vereeniging het aan die toernooi deelgeneem.
Mimosa-jukskeiklub het weer bewys dat dié spel vir oud en jonk is. Die klub se oudste speler, Kobus van der Merwe, wat onlangs sy 90ste verjaardag gevier het, het met die tweede prys weggestap. Chris Haefele, self al 87, het geskitter met die eerste prys.
Enigeen wat belangstel om saam te kom jukskei speel, is welkom om Dinsdae en Donderdae by die NG gemeente Parys-Wes se terrein, h/v Kort- en Grensstraat, vanaf 08:30 tot 10:30 te kom oefen.
Belangstellendes kan Pieter Claassen by (056) 817 2495, Pieter Enslin by 082 828 8693 of Johannes Meyer by (056) 817 2415 skakel.
