Eerste vraghouers staan vir Container Park

Die eerste vraghouers vir Parys se Container Park langs die dorp se hoofstraat, staan reeds op die h/v Breë- en St Janstraat. Met die eerste fase van die projek sal 57 van die beplande totale 72 skeepsvraghouers op die terrein geplaas word om ’n tipe “vlooimark” konsep te skep met kuns- en handwerk uitstallers, asook ruimte vir meer gespesialiseerde uitstallers uit die kreatiewe industrie. Die park sal ’n geplaveide terrein hê asook ’n groen gebied met speelplek vir die kinders en ’n deurry wegneemete restaurant, sê die argitek. Die koste vir die eerste fase van die projek beloop R10 miljoen terwyl die totale projekkoste na verneem word R15 miljoen beloop.