Mimosa hengel by Koppies
Dankbaar vir die reën en vol geesdrif het lede van die Mimosa-hengelklub die Februarie hengelkompetisie aangedurf. Ten spyte van hindernisse in ’n baie vol dam, het die dag redelike vangste en lekker hengelweer opgelewer.
Dankbaar vir die reën en vol geesdrif het lede van die Mimosa-hengelklub die Februarie hengelkompetisie aangedurf. Ten spyte van hindernisse in ’n baie vol dam, het die dag redelike vangste en lekker hengelweer opgelewer.
Barry Dreyer was die wenner van die mans-afdeling, met Veronica Spaarwater wat die vroue-afdeling gewen het. Die poelvis van die dag is gevang deur Roland Schoonraad.
Die volgende kompetisie word op 11 Maart by Klipdrift-dam gehou. Hengelaars kom bymekaar by die plaaswinkel, vanwaar hulle om 06:15 vir 06:30 na die dam sal vertrek. Hengeltyd is van 07:00 tot 15:00. Diegene wat nie seker is waar die dam is nie, kan reël om in ’n groep saam te ry.
Die klub nooi alle belangstellende hengelaars om aan te sluit. Vir navrae skakel Veronica by 072 631 1133 of Kobus Kriek by 082 878 2579.
