‘n Brand het gister, 16 Januarie omstreeks 18:00 by die Vereeniging-polisiestasie uitgebreek, maar te danke aan die brandweer se vinnige reaksie is die brand vinnig geblus.

Die brand is vermoedelik deur ‘n kortsluiting in die elektriese konneksies veroorsaak, maar dit is egter nog nie bevestig nie. Kaptein Fikile Funda, woordvoerder van die Vereeniging SAPD, sê geen skade is aan die kantore of enige dokumente aangerig nie.

Die ondersoek om die oorsaak van die brand te bevestig sal môre voortgaan omdat daar tans geen elektrisiteit by die gebou is nie.