5 A’s vir Hoërskool Parys se toppresteerder
Hoërskool Parys is trots en tevrede met sy 2016 matrikulante se uitslae. Só het die adjunkhoof, mnr. Herman Malan vanoggend gesê nadat matrikulante regoor die land die vrugte kon pluk op 12 jaar se harde werk met die matriekuitslae vir 2016 wat bekendgemaak is.
![](https://images.caxton.co.za/wp-content/uploads/sites/116/2017/01/DSC_0219.jpg)
Hoërskool Parys is trots en tevrede met sy 2016 matrikulante se uitslae. Só het die adjunkhoof, mnr. Herman Malan vanoggend gesê nadat matrikulante regoor die land die vrugte kon pluk op 12 jaar se harde werk met die matriekuitslae vir 2016 wat bekendgemaak is.
Die skool se toppresteerder is Michael Taljaard met 5 A’s vir Wiskunde (95%), fisiese wetenskappe (87%), lewenswetenskappe (85%), rekeningkunde (96%) en lewensoriëntering (86%).
Liebe Keyser spog met 3 A-simbole vir Afrikaans Huistaal, geografie en lewensoriëntering onderskeidelik, terwyl Amoré Kok ook 3 A’s het vir wiskunde geletterdheid, RTT en lewensoriëntering.
Hannu Benade, Christo Blomerus, Lianie Botha, Johan Bruwer, Renco Fouche, Gabby Hawthorn en Chane Pelser het elk 2 A’s.
Danny Ackerman, Jafta Booysen, Dirk Botha, Carli Durand, Andre Hefer, Francois Joubert, Lelanie Keyser, Kelebogile Leeuw, Marais Louw, Vuyelwa Makeleni, Xolile Mbalo, Daniella Pretorius, Aliche Prinsloo, Baithuti Rathaba, Franco Sadie, Carien van der Westhuizen, Cimri van der Westhuizen, Andries van Niekerk, Renette van Rensburg en Ruan van Tonder het elkeen 1 A-simbool.
Die skool het ’n 96,2% slaagsyfer en 51,48% van sy matrikulante slaag met universiteitsvrystelling, 36,63% met diploma toelating en 11,88% met Hoër Sertifikaat Toelating.
Boonop ontvang Hoërskool Parys ’n silwertoekenning vir ’n slaagpersentasie tussen 90% en 99% tydens die Vrystaatse Departement van Onderwys se graad 12 skole toekennings vir 2016.
Die Vrystaat provinsie se matrikulante het vanjaar die beste gevaar. Ons vertel jou volgende week in Parys Gazette meer van hierdie toppresteerders se toekomsdrome.