Huisgenoot het onlangs berig dat Pieter du Plooy, ’n ambulansnoodassistent van Securicon Lowveld, ’n veiligheids- en ambulansdiens, gesê het dat Allan Peeters (63), ’n plaaseienaar van Sasolburg, in die Millpark-hospitaal behandel word na hy deur ‘n krokodil aangevla is.

Die voorval het by die Komatipoort-laagwaterbrug in Mpumalanga plaasgevind waar Allen visgevang het. Toe hy die vis uit die water trek het die krokodil uit die water gespring, hom gegryp en in die water ingetrek.

Sy regtergewrig is vergruis en hy het weefselskade aan sy regterkuit opgedoen.

Pieter het aan Huisgenoot gesê Allan is laasweek Woensdagmiddag van Nelspruit, waar hy in die Mediclinic behandel is, na die Johannesburgse hospitaal gevlieg.

Dit was nie die eerste keer dat so iets by die brug gebeur het nie. (Foto: Illustrasie)