Jong Michelangos se kunswerke verkoop

Die meer as 100 Graad R-leerlinge van die Parys Primêre skool se Graad R-sentrum se kunswerke wat hulle die afgelope jaar gemaak het, is tydens ’n prag kunsuitstalling in die skoolsaal verkoop aan baie trotse pappas en mammas wat hul kleingoed se spogwerk hier kon waardeer. Nie net was dit vir die kortbeentjies ’n baie groot oomblik om te wys waaraan hulle so hard gewerk het die jaar nie, maar het die ouerkomitee terselfdertyd ook ’n geldjie kon maak wat na die Graad R fonds sal gaan om benodigdhede vir die klasse vir die jaar aan te skaf. Die kunsuitstalling wat ’n eerste was, was ’n baie groot sukses en sal beslis weer in die toekoms aangebied word.