Uit die nie-winsgewende aard van Save the Vaal Environment (SAVE) se werk, maak hulle staat op donasies van die publiek, besighede en ander organisasies om hul bedrywighede voort te sit.
As fondsinsamelaar, bied SAVE hierdie jaar die tweede jaarlikse Wine under the Willows wynproegeleentheid aan by Loch Vaal. Dit beloof om ’n  feestelike piekniek-atmosfeer te wees waartydens daar geproe kan word aan goeie plaaslike wyne, whiskey en “craft” bier.
Die koste is R150 vir volwassene (18 jaar en ouer), hoewel kinders gratis onder toesig toegelaat word. Daar sal springkastele ook wees vir die kleingoed. Hierbenewens is daar kosstalletjies, en van die wyne, whiskey en bier word te koop aangebied.
Indien jy die skoonheid van die Vaalrivier waardeer en die werk van SAVE wil ondersteun om dit so te probeer hou – nooi vriende en familie en kom geniet hierdie feestelike geleentheid.
Kaartjies is te koop by Provision Oogkundiges in Buitenstraat 24. Vir navrae skakel Johan by 083 2044 674 of Megan by 083 286 3500.