Die minister van water en sanitasie, Nomvula Mokonyane, het gesê hulle gaan volgende week water van die Sterkfonteindam in die Vaaldam vrylaat om die minimum vlak te beskerm.
Die Sterkfonteindam se watervlak staan tans op 91.5%. Daar word beplan om die sluise van die Sterkfonteindam op 7 November oop te maak.
Volgens Mokonyane het die Vaalrivier-sisteem 14 damme wat water voorsien aan Gauteng se 13 miljoen verbruikers.
Die watervlak van die Vaaldam daal weekliks met sowat 0.9%.
Die Sterkfonteindam hou gereserveerde water, maar sal nou gebruik word om water aan die Vaaldam te voorsien.
Inwoners word gevra om asseblief saam te werk en water spaarsamig te gebruik in hierdie krisistyd.
