Iyivale ngegiya eliphezulu inyanga yamasiko iNcome
Lomcimbi obuhlanganise izinhlaka ezehlukene zabasebenzi, okubalwa kuzo amaZulu, amaXhosa, abeSuthu, amaSwati namabhunu ukubala ezimbalwa, ubuhanjelwe nayiNkosi yesizwe sakwaMolefe.
Bekuphume nesinedolo ngesikhathi abasebenzi basemajele akhele isiyingi saseNcome bebungaza usuku lwamagugu ehholo laseJele. Lendumezulu yomcimbi obudidiyelwe umhleli wemicimbi eNcome, uNksz Nozipho Shabangu ongawuvalanga umlomo ngendlela asebenze kahle ngayo nekomidi nangendlela abasebenzi abanikele ngayo, ukhumbuze abaningi ngokubaluleka bokwazi imvelaphi yabo ukuze bezokwazi ukulwedlulisela nakubantwana babo lolulwazi.
Lomcimbi obuhlanganise izinhlaka ezehlukene zabasebenzi, okubalwa kuzo amaZulu, amaXhosa, abeSuthu, amaSwati namabhunu ukubala ezimbalwa, ubuhanjelwe nayiNkosi yesizwe sakwaMolefe efike yezwakalisa ukwenama okokhulu ngesikhathi ibona indlela abasebenzi baseNcome akade behlobe ngayo ukukhombisa imvelaphi yabo. “Ukuhloba kwenu kahle kanjena kuwuphawu lokuthi iyimiso zikamvelinqangi nisazihlonipha, kusho INkosi uMolefe.
uMnuz Sithembiso Mchunu obemenyelwe ukwethula inkulumo yosuku uhambe ezinyathelweni zeNkosi uMolefe ngokugcizelela ukubaluleka kokubuyela emasisweni izinto zenzeke ngendlela uNkulunkulu ayezihlele ngayo. uMchunu uqale ngokunxenxa amadoda emizi ukuba abuyele ezihlalweni zawo azinikezwa nguNkulunkulu. “Namhlanje imizi isilawulwa ngamaKhosikazi nezingane ngenxa yokuthi amadoda aseyishiyile indawo yawo,” kusho uMchunu. Uqhubekele phambili ngokucela nomama ukuba babophe izifociya zabo bese benza umsebenzi wabo wokuzithoba ukuze nezingane zizofunda inhlonipho.
uMchunu akagcinanga nje ngokukhuluma nobaba, nomama neyingane kuphela, uphinde wayihlaba wayihlikiza eyokuthi amantombazane aziganise aphinde alibalwe ngutshwala wacela neyinsizwa ukuba zivuse imizi yobaba bazo ngokuthi ziyolobola ziyeke ukubhubhudla imali. “Siphila esikhathini esibi la khona ubuchwepheshe sekuthathe indawo yokukhulisa isizwe esikhundleni sokuthi kube umsebenzi wenu bomama nobaba,” kugcizelela uMchunu. uMacingwane ube esegcina ngokunxusa umphakathi waseNcome ukuthi ubuyisele izinto ngononina, amadoda ahole imizi ngokubuyela ezihlalweni zawo zokuhola nokulawula.
uMphathi wesiyingi saseNcome, uMnuz u Anthony Gina uhluleke ukuzibamba ejatshuliswa yibutho ekade elihola kubhekwe emcimbini. “Iyangithobisa kakhulu into engiyibona la eNcome namhlanje ngemuva kweminyaka emibili ngafika. Ngicela lolubumbano nenhlonipho engiyibona la namhlanje ivame ukuze sizoqhubeke sibambisane ukufezekisa izinjongo zoMnyango wethu,” kuphetha uGina
ALSO READ:Ncome rewards members for loyalty
The news provided to you in this link has been investigated and compiled by the editorial staff of the Vryheid Herald, a sold newspaper distributed in the Vryheid area. Please follow us on Youtube and feel free to like, comment, and subscribe. For more local news, visit our webpage, follow us on Facebook and Twitter
