uMasipala waseDundee ukomeliswe indondo yokuba nedolobha elihlanzeke kakhulu uma liqhathaniswa nabanye umasipala abalingana nawo eKZN. uMeya uMdluli uthe “lendondo kanye nomkumelo ongu-R375 00, ngiwudlulisela kumaqembu akamasipala akhuthalele ukuhlanza lendawo kanye nabahlali abaqikelela njalo ukusikhuthaza ukuthi sigcine indawo yethu ihlanzekile”.
Kepha, uvume ngokugcwele ukuthi indaba yokungcola kwedolobha yiyo yezingqinamba abahlale bebhekene nayo. “Isifo seCovid-19 sifundise kakhulu ngokubaluleka kwenhlanzeko. Asigcine indawo yethu ihlanzekile zikhathi zonke. Ayingiphathi kahle neze indaba yadoti lona olahlwa e-Extension 20 eduze komgwaqo u-Colley, okusho khona ukuthi abanye abahlali balahla khona udoti wabo, isizathu sokuthi benze lesi senzo siyimpicabadala njengoba umasipala unabo abantu abathutha udoti”.
uMdluli ubese nxusa bonke abantu kanye nezokole ukuba bazifundise ngenhlanzeko ngokungancolisi lapho abasuke bekhona. “Lendondo iwuphawu lokuma, asenzeni indawo yethu Endumeni yibe indawo ehlanzekile kunazozonke, lena inselela engiyidlulisela kuwo wonke umhlali walapha”.
