ATKV se Valentines geskenk aan SAPD

Op 14 Februarie het die ATKV (Glencoe Tak) ‘n donasie van kinderklere en damesklere aan die Eenheid van die SA Polisie vir Gesinsgeweld en Kinderbeskermings- en Seksuele-oortredings gegee.
Dorea Coetzee (Sekretaresse), het die kinderklere (hempies, langbroekies, kort broekies, nagklere en skoene) geneem na die kantore van die Suid-Afrikaanse Polisie se eenheid vir Kinderbeskerming.
Die donasie is aan Sonja Stander oorhandig. Die lede van hierdie eenheid was baie dankbaar dat die ATKV jaarliks aan hierdie eenheid dink met hulle gemeenskapswerk. Hulle het die donasies baie nodig om hulle werk volkome te kan doen.
Die ATKV se liefdevolle werk gaan van krag tot krag.