Ihambekahle inkonzo yomngcwabo ka Boitumelo Molefe (10) kanye no Muzi Sithole (7) ngoMqgibelo olwedlule. Laba ababili badabuka esigodini sase Haladu. Imbangela yokufa kwabo babhidlikelwa indlu yakhiwe ngamatshe ngenkathi belele emva kwezimvula ezinkulu.
Bekunomunyu etendeni enkonzweni yabo yokugcina ibihanjelwe yizikhulu zoMnyango kaNdunankulu waKwa-Zulu Natala kanye nebeziphuma eminyangweni eyahlukehluken beholwa nguNgqongqoshe weZemidlalo ubuCiko amaSiko kanye nokuNcebeleka, uNkk Bongi Sithole Moloi kanye nomholi weqembu likaKhongolose kwi Nkosi Bhambatha- Region u-Luck Cyprian Moloi.
Labaholi badlale indima enkulu ukusebenzisana nosomabhizinisi bendawo ukulekelela imindeni ethintekile ukuhlela umgncwabo. UMnyango kaNgqongqoshe usuzwakalise ukubonga kubo bonke osomabhizinisi bendawo abasebenzisane naye ukuphumelelisa izinhlelo zomngcwabo. Phakathi kosomabhizinisi abafake isandla kube I-Ocean Down ka-Mophet Mosia enikele ngonogada njengoba lomcimbi ubuhanjelwe izikhulu eziphezulu zikahulumeni. I-Omeida Campanies kaMama Omeida yona inikele ngokudla amatende nezitulo zokuphakela. Inkampani kamasingcwabisane wendawo i -Cebolethu Funerals yona inikele ngezinsiza zokungcwaba okubalwa phakathi kwazo amabhokisi omngcwabo, amatende nezitulo, izimoto kanye nokunye. Enye yezinkampani efake isandla kube i-Connexion Internet Cafe enikele ngamapheshana athize ukuqhuba inkonzo.
Kanti konke lokhu kwenze kwaba khona ukududuzeka emalungeni omndeni yomibili ukuthi noma bukhona ubumnyama kodwa uNkulunkulu ukukhanya ukwehlisela khona ebunyameni. UNdunankulu Rapelang Motloung obemele iNkosi Molefe uthe bashaqeke kakhulu uma bezwa ngalesisimo esehlele umndeni kaMolefe noSithole wase ebonga uhulumeni ngokungenelela kwakhe. INkosi izwakalise ukushaqeka yathi, “sithi Dudu alehlanga lungehlanga.” Ongumakhelwane emndenini wakwa Molefe uFlorence Shabangu ethula inkulumo yakhe uthe, “Anginamandla ngicela uNkulunkulu angisize nomakhelwane nemindeni asibophe izinyembezi. ‘Makhandakhanda’ nawe ‘Mazakazaka’ lapho nilele khona lalani ngokuthula alwehlanga lungehlanga senosakhela ikhaya phambili,” kusho uMakhelwane.
Ongumakhelwane emndenini wakwa Molefe uFlorence Shabangu ethula inkulumo yakhe uthe, “Anginamandla ngicela uNkulunkulu angisize nomakhelwane nemindeni asibophe izinyembezi. ‘Makhandakhanda’ nawe ‘Mazakazaka’ lapho nilele khona lalani ngokuthula alwehlanga lungehlanga senosakhela ikhaya phambili,” kusho uMakhelwane.
Okhulumela omakhelwane bomndeni wakwaSithole uMama Mayemang uthe naye lesigameko simuqede amandla. “Phephisani Sithole naweMolefe lalani ngenxeba noma libuhlungu okwenzekile ngiyakuqala.”
U-Godfrey Motloung obekhulumela umndeni wakwaMolefe uthe. “Besinethemba kakhulu lokuthi sikhulisa abaholi bakusasa njengoba sintula othisha abafundisi nodokotela kodwa ngokohlelo lukaNkulunkulu akusenzekanga. “Sibonga i-Support ngoba besingazi ukuthi sohlanganisa ini nani kodwa siduduzekile futhi samukela ikakhulukazi amazwi enduduzo abuya esizweni sakwa-Molefe . UNkulunkulu nguye ekuqaleni nguye ekugcineni. Masimubongeni ukuthi sibabonile abantwana saphila nabo manje sebehambile futhi sekuyasicacela ukuthi bekungebona abethu sodwa,”kusho uMnuz Motloung.
Uthishanhloko wase Haladu Primary Schoo uMnuz Shezi udlulise kakhulu ukubonga kubobonke aba sekele abantwana.
Obekhulumela uMnyango wezeMfundo kwa-Zulu Natal uMnuz J.S. Myeza onguMhloli omkhulu esifundeni saseMzinyathi namaphethelo uthe, “ngishaywe uvalo uma ngibona lapho izingane zilimale khona kukhomba ukuthi kukhona ubuphofu okumele kuliwe nabo futhi sithemba ukuthi uhulumeni uzobuqeda noma kanjani. “Sohlala sinani ukunisekela nokuniduduza sithi, dudu kakhulu emindenini yonke elahlekelwe, sidabuke sonke kodwa masingabi nezilonda emadolweni kepha masikhale siqhubekele phambili,” kusho uMnuz Myeza.