Intombazanyana ena (6) idlwengulwe maqede yapheqwa intamo
Intombazanyana eneminyaka ewu 06 ibulawe
![](https://images.caxton.co.za/wp-content/uploads/sites/63/2015/01/police-Medium.jpg)
Umngcwabo kaNana Nomfundo Buthelezi owaye na (6) wadlwengulwa wabulawa ngesihluku eMatimatolo ngomhlaka 31 December ngonyaka ondlule.
Kuthiwa lentombazanyana yadlwengulwa maqeda yasontwa intamo.
Ube esefihlwa ngo mhlaka 6 January kulonyaka. Umngwabo wakhe ubuhanjelwe uMama wesifundazwe sika Hulumeni waKwaZulu Natal, uThembeka Mchunu, uSomolomo uKhansela Mtshali, iPhini le Meya uKhansela Ntshangase, abaholi be-Region Ka Khongolose ku Bhambatha beholwa uSihlalo uLinda Ngubane nonoBhala uBheki Lembethe, uNobhala wolusha uLungile Mabaso, iPhini likaSihlalo we-Region ophinde abe uMeya womkhandlu wase Ndumeni uKhansela Thulani Mahaye kanye noKhansela Mbangiseni Yengwa, owayeyi Meya yomkhandlu eMzinyathi.
Ngokusho kuka Nkk Sibongile Zuma ophuma ehhovisini lika Ndunankulu waKwaZulu Natal uSenzo Mchunu, uthi bathanda ukubonga ihhovisi lika Ndunkulu ngokuxhasa lomngcwabo ngokudla. “Kulomngcwabo sisizwe umasipala waseMvoti ngebhokisi, usomabhizinisi uSiqu Zungu osinikelele ngethende elithwala abantu abangu1500 kanye nezitulo. Siphinde salekelelwa ngu Mnuz Gangayi ngebhasi”. Kuthiwa usomabhizinisi odumile kuleli ngokuba nesandla esivulekile ekusizeni umphakathi uMnuz Siqu Zungu, kulomgcwabo usebenzise imali engu R14 800.
Uqhube wathi uNkk Zuma, umama wesifundazwe uThembeka Mchunu ukugcizelele kakhulu ukunakekelwa kwezingane ezincane. Isigungu sonke esiphezulu eBhambatha namaKhansela kanye nesigungu se-Women’s League besiholwa umama uFikile Khumalo owayeyilunga lePhalamende kuhulumeni kazwelonke, ose ngu Mgcinimafa esigungwini sika Khongolose ku Bhambatha -Region.
Uthe uNksz Khumalo ukholelwa ekutheni izingane kumele zivikelwe ngabazali uqobo kanti futhi nengalo yomthetho kumele isebenze. “Ngifisa ukubonga abaholi bakwaBhambatha ababephuma bededelana, ne-Sub-Region yonke eyayiholwa ubaba uKhoza. Sibonga nomama uZandile Ngema iKhansela elalehla lenyuka libambisene nomndeni. Sibonga asiphezi ku soMabhizinisi uMnuz Siqu Zungu ngamagalelo akhe emphakathi wonkana, sithi ukwanda kwaliwa umthakathi,” kulanda uNksz Khumalo. Ayikho imibiko echaza ngomkhandlu wase Mzinyathi mayelana negalela lawo kulomncwabo