PHS: Mooi so Krieketspelers

GELUK aan Meldon Bezuidenhout, Sheldon Sutherland en Matthew Stride wat vereer is met spesiale trofeë tydens die saalopening. Die rede vir hierdie trofeë is vir driekuns behaal in wedstryde en Matthew Stride wat ‘n ongelooflike 141 lopies teen Ferrum met die kolf geslaan het. Kleuretoekennings word ook aan die krieketspelers toegeken.
Sterkte aan die krieketspelers wat eersdaags aan ‘n 20/20 toernooi begin deelneem.
Driekamp: In gure weersomstandighede neem die Pioniers by die Utrecht dam aan die St Dominic’s Bundu Bash deel. Pionier wen die prys vir die meeste inskrywings en deelnemers hierdie jaar. ‘n Kontantbedrag van R2000 sal goed aangewend word.
Brushcutter (40km bergfiets): Waldo Durand en Richard Delport neem deel en kom beide eerste in die sub-junior- en junior afdeling. Dustbuster (200m swem of 1km draf, 2,5km draf en 10km bergfietsry): Jané Claassen, Briania Doust, Henco Rheeder, De Wet Meyer, Anneke Jordaan (3de in die o/18 afdeling) en Nicole Pelzer (eerste in die o/18-afdeling) neem individueel deel. Vyf spanne neem ook aan hierdie afdeling deel en vaar uitstekend.
Chainsaw Afdeling (400m swem of 2km draf, 5km draf en 20km bergfietsry): Johann Mentz, Rudi Barkhuizen (4de in o/18 mansgroep), Christopher Doust, Jan-Roelof Versluis, Corneil Fourie en Bianca Marais neem individueel deel. Vier spanne neem ook deel. Jahnthé Smuts, Dewald Gouws en Ruan Naudé wen hierdie afdeling en behaal dus ‘n eersteplek in die Chainsaw spanafdeling.
Belydenis van geloof: Baie geluk aan die groot groep graad 11-leerlinge wat die afgelope naweek by die Suid-Oos NG-kerk belydenis van geloof afgele het. Hierdie is ‘n baie spesiale geleentheid wat as simbool van elke leerling se geloofspad verder sal dien.